一人game精選:
Mindo 拼貓貓 (建議零售價: $99)
細細盒，方便攜帶，當你自己一個喺公園度食叉雞嘅時候，可以拎出黎挑戰下自己腦筋。貓貓主題，OL都啱玩。
Marble Circuit 電路連珠 (建議零售價: $199)
唔知疫症幾時完? 唔使驚，呢隻game有63+1條題目，每一條都會考你識唔識正確地砌電路，疫症之下除左要健身健心，腦筋都要保持清晰！
Blackout Hong Kong 香港大停電 (建議零售價: $399)
喂sac哥唔好玩野喎，呢隻都係一人game? 冇錯，佢係有solo mode，一個人都可以練習點樣跑分，令燈光回歸香港。試下不停挑戰自己，化身為重策之鬼，當第日限聚令完左後冇人再打得贏你！
二人game精選:
Classic Othello 經典黑白棋 (建議零售價: $160)
講二人game，點可以唔講最經典嘅棋類遊戲？黑白棋其實係有官方正版，而且每年都有世界賽。所謂人冇事先做到世界冠軍，疫症之下除左小心身體，都可以同屋企人捉棋，日日捉下年世界冠軍可能就係你！
Daikaiten Othello 大迴轉黑白棋 (建議零售價: $88)
同上面一樣，不過呢個係可以出街玩嘅，方便攜帶，比你出街挑朋友機都得！
Pyramid Poker (建議零售價: $199)
立體嘅啤牌你又玩過未？啤牌有咩好玩？捉人心理最好玩。當你睇唔到人哋攞咩牌，望下佢眼神有無閃閃縮縮，就知曬佢底牌十定十六不搭。同男朋友玩就最岩啦，順便觀察下佢平時有無講大話啊嘛。
For Fumie 為了文繪 (建議零售價: $160)
冇得去戲院睇戲？打開呢本書，你就可以自己做埋主角演出一場驚心動魄嘅愛情電影。如果可以回到過去，你會點做？結局如何，由你既每一個選擇決定。
Klask (建議零售價: $399)
呢隻game巧妙運用磁石概念打造左唔使插電嘅氣墊球，去唔到_險樂園玩？轉玩Klask啦！
Fugitive 神探緝兇 (建議零售價: $150)
一個做賊，一個做警探，節奏非常明快嘅對抗式推理遊戲。咩叫對抗式推理遊戲？呢個名係我作，即係賊要出牌逃走，警探要透過邏輯、觀察對方嘅心理，估得出賊嘅逃走路線，非常好玩。都係唔明我講咩？買返去試下啦！
Codenames: Duet 機密代號：二重奏 (建議零售價: $210)
合作版嘅codenames，要喺有限round數前互相比有限度嘅資訊對方估字，每次估唔到就會減少遊戲結束round數，估錯某啲字甚至會立即輸game。想培養你同對方嘅默契？玩呢盒就啱啦！
Papering Duel 美術紙導 (建議零售價: $140)
過三關嘅終極加強版，每一步都需要拆解人地嘅招數而且鋪下自己嘅佈局，而且重點係可以10-15分鐘完一場，最啱lunch time同朋友挑一挑機。
First Contact 第一類接觸 (建議零售價: $199)
嗱嗱嗱你又想問我點解呢隻係2人game？冇錯啦其實你知唔知呢隻game有個好特別嘅二人變體規則？而且好多朋友都話二人玩好玩過一班人玩添。唔信？Try it out!
Leave a Reply