一人game精选:
Mindo 拼猫猫 (建议零售价: $99)
细细盒，方便携带，当你自己一个喺公园度食叉鸡嘅时候，可以拎出黎挑战下自己脑筋。猫猫主题，OL都啱玩。
Marble Circuit 电路连珠 (建议零售价: $199)
唔知疫症几时完? 唔使惊，呢只game有63+1条题目，每一条都会考你识唔识正确地砌电路，疫症之下除左要健身健心，脑筋都要保持清晰！
Blackout Hong Kong 香港大停电 (建议零售价: $399)
喂sac哥唔好玩野㖞，呢只都系一人game? 冇错，佢系有solo mode，一个人都可以练习点样跑分，令灯光回归香港。试下不停挑战自己，化身为重策之鬼，当第日限聚令完左后冇人再打得赢你！
二人game精选:
Classic Othello 经典黑白棋 (建议零售价: $160)
讲二人game，点可以唔讲最经典嘅棋类游戏？黑白棋其实系有官方正版，而且每年都有世界赛。所谓人冇事先做到世界冠军，疫症之下除左小心身体，都可以同屋企人捉棋，日日捉下年世界冠军可能就系你！
Daikaiten Othello 大回转黑白棋 (建议零售价: $88)
同上面一样，不过呢个系可以出街玩嘅，方便携带，比你出街挑朋友机都得！
Pyramid Poker (建议零售价: $199)
立体嘅啤牌你又玩过未？啤牌有咩好玩？捉人心理最好玩。当你睇唔到人哋攞咩牌，望下佢眼神有无闪闪缩缩，就知晒佢底牌十定十六不搭。同男朋友玩就最岩啦，顺便观察下佢平时有无讲大话啊嘛。
For Fumie 为了文绘 (建议零售价: $160)
冇得去戏院睇戏？打开呢本书，你就可以自己做埋主角演出一场惊心动魄嘅爱情电影。如果可以回到过去，你会点做？结局如何，由你既每一个选择决定。
Klask (建议零售价: $399)
呢只game巧妙运用磁石概念打造左唔使插电嘅气垫球，去唔到_险乐园玩？转玩Klask啦！
Fugitive 神探缉凶 (建议零售价: $150)
一个做贼，一个做警探，节奏非常明快嘅对抗式推理游戏。咩叫对抗式推理游戏？呢个名系我作，即系贼要出牌逃走，警探要透过逻辑、观察对方嘅心理，估得出贼嘅逃走路线，非常好玩。都系唔明我讲咩？买返去试下啦！
Codenames: Duet 机密代号：二重奏 (建议零售价: $210)
合作版嘅codenames，要喺有限round数前互相比有限度嘅资讯对方估字，每次估唔到就会减少游戏结束round数，估错某啲字甚至会立即输game。想培养你同对方嘅默契？玩呢盒就啱啦！
Papering Duel 美术纸导 (建议零售价: $140)
过三关嘅终极加强版，每一步都需要拆解人地嘅招数而且铺下自己嘅布局，而且重点系可以10-15分钟完一场，最啱lunch time同朋友挑一挑机。
First Contact 第一类接触 (建议零售价: $199)
嗱嗱嗱你又想问我点解呢只系2人game？冇错啦其实你知唔知呢只game有个好特别嘅二人变体规则？而且好多朋友都话二人玩好玩过一班人玩添。唔信？Try it out!
Leave a Reply